Utuh Lihum wan Amat Kurihing diam-diam umpat bagalut di gudang lampit. Inya dapat imfo dari internet bahwa sabtu 1 februari tu ada Pilkada. Sawat pang inya hiran kerana pilkada sudah tuntung, walau putusannya masih manunggu palu imka. Supaya kada tamakan habar Utuh Lihum membawai Amat Kurihing manyarawin ke gudang lampit.

Malihat urang antri, inya badua nang kada singgawian ni umpat jua babaris badiri di antrian. Kalupang pina ada nasi bungkus, dalam hati buhannya.  Sakalinya pas sampai antrian di mija patugas, pina kukurihing utuh lihum melihati buhan kalurahan nang ba jilbab habu ruku.

“pian dari RT berapa, adakah membawa mandat”, ujar ibu Fala.  “Napang surat mandat tu”, jawab Utuh Lihum. “nah… surat mandat tu dari katua RT pian gasan warga nang dipercaya mancucuk Ketua RW”….

Tapaksa baundur burit Utuh Lihum wan Amat Kurihing. Karna kada mambawa mandat.  “amun malihat haja bulih kah bu”? Ujar Amat Kurihing.  “ih bulihai, cari ja kursi nang kosong. Duduki, mun ada kotak senek-nya ambil ja gasan pian.  Mandangar ada senek, manggagar laju pada setom nang badua mancari kursi. Sakalinya kursi sudah hibak……

Nasib kita ni pina lain Tuh lah….. lihati buhan nang duduk, mana dapat senek, duduk nyaman. Sabarai..... Kita badiri haja gin kada papa jua.

Ujar Utuh Lihum, “Makanya ikam mun jadi warga baiki kalakuan, supaya dipilih RT menjadi wakil nang dapat mandat”.  

 

“Ikam tahulah Mat,…. imbah bulikan buhannya tu dapat amplok transport”. Ujar Utuh lihum mamanasi Amat Kurihing.

"Umai lah…. dasar nyaman jadi pemegang mandat ni" Ujar Amat Kurihing …… Jangankan pemegang mandat, angguta di-pi-ir hanya nyaman.

“Tapi kudangar prisidin  Prabowo manyuruh kita baimit duit, jangan tapi banyak bejalanan jer sidin”. Pina piragah tahu Amat Kurihing.

 

Nah ikam kada parcaya, tadi kulihat pambakal Icip ada menjulung amplok gasan pak…… siapakah…. aku kada tahu juapang ngarannya. Sidin babaju batik ikan warna hijau, basesengot, urangnya pina bungas kaya ikam jua Mat-ai". …..

“ikam ni jangan buruk sangka, balum tantu amplok tu isinya duit. Bisa aja isinya nota tagihan senek pemilihan Ketua RW.

Oh… dintukah,…. bulikan nai kita.  

Pabila ada pemilihan RW lagi Tuh……

Hadangai lilima tahun lagi…… Ujar Utuh Lihum sambil badadas bulik

 

Foto : Lurah Mentaos menyerahkan hadiah uang pembinaan kepada Ketua RT 02/04 dari panitia STBM Award 2024